ინგლისელმა მეცნიერებმა შეადარეს 240 ავთვისებიანი სიმსივნით დაავადებული ქალის და 480 ჯანმრთელი ქალის კვების რაციონი და მივიდნენ დასკვნამდე. ამ საშინელი დაავადების მსხვერპლი რომ არ გახდეთ, საჭიროა, ყოველდღიურად მიირთვათ: ლობიო, ბარდა, მწვანე სალათი, სატაცური, ბროკოლის, ბრიუსელის და ყვავილოვანი კომბოსტო.

ეს პროდუქტები შეიცავენ A, C და E ვიტამინებს და სხვა კომპონენტებს, რომლებიც განუწყვეტლივ ებრძვიან კანცეროგენებს. რაციონის შეცვლა არასდროს არის გვიან. ლობიო, ბარდა და სატაცური შეიცავენ C ვიტამინსა და ბეტა-კაროტინს. ნახევარი ჭიქა ბარდით იღებთ 25% დღიური ასკორბინის მჟავის დოზას და 10% ბეტა-კაროტინს. ამის გარდა, პარკოსნები ანეიტრალებენ კანცეროგენული გაზების და პესტიციდების მოქმედებას. ასევე, ესტროგენების დონეს ნორმაზე აყენებენ, რომლის მომატებაც იწვევს ავთვისებიან სიმსივნეს.

მწვანე სალათი - რამდენადაც ეს პროდუქტი შეიცავს E ვიტამინს, არის ძლიერი ანტიოქსიდანტი. ის ანადგურებს თავისუფალ რადიკალებს, რომლებიც აზიანებენ უჯრედებს და პროვოცირებას უწევენ ავთვისებიან სიმსივნის განვითარებას და წარმოშობას. ასეთივე ეფექტით მოქმედებს ვიტამინი A. ბროკოლის, ბრიუსელის და ყვავილოვანი კომბოსტო შეიცავს სულფიდებს, რომლებიც საშიშ სტეროიდულ ჰორმონებს ებრძვიან.