ცნობილმა რეჟისორმა ვუდი ალენმა „New York Times"-ში გამოქვეყნებულ წერილში მის წინააღმდეგ, მისი შვილობილის დილან ფეროუს ბრალდებები კიდევ ერთხელ უარყო.

დილარ ფეროუ მამობილს სექსუალურ ძალადობაში ადანაშაულებს, რომლის მსხვერპლიც 7 წლის ასაკში გახდა.

ცნობილ რეჟისორს მიაჩნია, რომ დილანი დედამისის მია ფეროუს დაგეგმილი შურისძიების  თანამონაწილეა და სწორედ ამის გამო სწამებს მას ცილს.

ვუდი ალენის განცხადებით, მია ფეროუმ შურისძიება მას შემდეგ დაგეგმა, რაც მასსა და მის კიდევ ერთ შვილობილ სუნ-ი პრევინს შორის არსებული სასიყვარულო ურთიერთობის შესახებ გაიგო.

შეგახსენებთ, რომ ვუდი ალენმა და სუნ-ი პრევინმა 1997 წელს იქორწინეს.

(მოამზადა თამარ ნადარეიშვილმა)