გარდაცვლილი პატიმრის, ლევან კორტავას საქმეზე არასამთავრობო ორგანიზაციები სიღრმისეულ გამოძიებას ითხოვენ. მათი თქმით, აღნიშული საქმე ციხეებში არსებულ სისტემურ დანაშაულებებზე მიუთითებს. არასამთავრობოები მოითხოვენ, პროკურატურა ციხეებში მიმდინარე მოვლენებით დაინტერესდეს და პასუხისმგებლობა სოზარ სუბარს დააკისროს.
„პასუხისმგებლობის საკითხი საბოლოოდ უნდა დადგეს. არსებობს ციხეების ორი ტიპის მართვა. ეს არის ბაჩო ახალაიას ტიპის მართვა და „მაყურებლების" მართვა. რაც არის „მაყურებლების" მართვა ჩვენ უკვე ვნახეთ, შედიან და ადამიანს ცემისგან კლავენ."- განმარტავს „ახალი თაობა დემოკრატიული არჩევნებისთვის" თავმჯდომარე, ლევან გაბრიჩიძე. არასამთვრობო ორგანიზაცია „ახალი თაობა დემოკრატიული არჩევნებისთვის" ციხეში მიმდინარე მოვლენების სრულ გამოძიებას და დამნაშავეების პასუხისგებაში მიცემას ითხოვს.
მისი თქმით, შესაძლოა, პატიმრები, რომლებიც აქამდე მძიმე დაზიანებებით გადაჰყავდათ საავადმყოფოებში, ზეწოლას განიცდიდნენ. ისინი კი ბადრაგთან ჩივილს ვერ შეძლებდნენ.
შეგახსენებთ, რომ ლევან კორტავას საქმე პროკურატურამ გუშინ გახსნილად გამოაცხადა. დაკავებულნი არიან როგორც ცემაში მონაწილე პატიმრები, ასევე დაწესებულების უსაფრთხოების განყოფილების ინსპექტორები, რომლებიც დანაშაულის ჩადენის შემდეგ კვალის დაფარვის მიზნით გამოძიებას ცრუ ინფორმაციას აწვდიდნენ.
