ტყიბულის რაიონში უბედური შემთხვევა მოხდა. მინდელის შახტაში მომხდარი შემთხვევის შედეგად ერთი ადამიანი დაშავდა. ელმავლის მემანქანე მურად ჭელიძე, რომელიც გვირაბში ჩარჩენილი ქვანახშირით დატვირთულ რამდენიმე ვაგონს დაეჯახა, ძლიერი დაზიანებით ქუთაისის სამხარეო კლინიკურ სავადმყოფოში მოათავსეს. 

მომხდარი ფაქტის შემდეგ მურად ჭელიძეს თავად მოუწია რამდენიმე კილომეტრის ფეხით გამოვლა, რათა გვირაბიდან გამოსულიყო. 

ექიმების ინფორმაციით, პაციენტის მდგომარეობა საშუალოდ მძიმეა, მას ოპერაცია ჩაუტარდა.