პატიმარ ლევან კორტავას საქმესთან დაკავშირებით შესაძლოა სხვა პირთა ბრალეულობაც გამოიკვეთოს. დასავლეთ საქართველოს სამხარეო პროკურატურაში არ გამორიცხავენ, რომ საქმის გამოძიების პროცესში დანაშაულის კვალი ციხის სხვა თანამდებობის პირებამდეც მივიდეს.
„ლევან კორტავას საქმეზე დაკავებულია ხუთი პირი. მათ შორის, ერთი ყოფილი მსჯავრდებული, რომელიც ცოტა ხნის წინ სასჯელაღსრულების დაწესებულებიდან გათავისუფლდა, ოთხი კი - სასჯელაღსრულების თანამშრომელი. ამ პირების მიმართ ბრალის წარდგენა არ ნიშნავს, რომ გამოძიება დასრულდა. გამოძიება გრძელდება და გამორიცხული არ არის, რომ სხვა პირებიც იქნენ პასუხისგებაში მიცებული, როგორც მსჯავრდებულები, ასევე სასჯელაღსრულების დაწესებულების მაღალი თანამდებობის პირები,"- განაცხადა დასავლეთ საქართველოს საოლქო პროკურორის მოადგილემ, გიორგი გვარაკიძემ.
