„დარიალის ხეობაში ახალი 500 კილოვოლტიანი ელექტროგადამცემი ხაზის მშენებლობა იწყება", - ამის შესახებ საქართველოს ენერგეტიკის მინისტრმა კახა კალაძემ დღევანდელ პრესკონფერენიაზე განაცხადა.
კალაძის შეფასებით, აღნიშნული პროექტი საქართველოს ელექტროსისტემისთვის ძალიან მნიშვნელოვანი იქნება.
„დღეს ჩვენ როდესაც ვყიდულობთ ელექტროენერგიას რუსეთისგან, მას ვიღებთ კავკასიონის 500-იანი ელექტროგადამცემი ხაზით, რომელზეც ხდება ავარიები და ხაზის აღდგენა გარკვეულ დროს ითხოვს, რადგან ის მაღალმთიან სვანეთში მდებარეობს. თუ მოხდება შეთანხმება რუსეთთან, რომ მათაც ააშენონ 500 კილოვოლტიანი გადამცემი ხაზი და მოხდება დაერთება საქართველოსთან, ეს ძალიან მნიშვნელოვანი იქნება ჩვენი ქვეყნის ენერგოსისტემისთვის, ჩვენ შევძლებთ ელექტროენერგიის ტრანზიტულ გათარებას რუსეთიდან თურქეთის მიმართულებით და თურქეთის გავლით ევროპაში, რაც კიდევ უფრო მეტ შემოსავალს მოუტანს ჩვენს ეკონომიკას", - განაცხადა კალაძემ.
