„გორის მიმდებარე ტერიტორიაზე 20 მეგავატიანი ქარის პირველი ელექტროსადგური აშენდება", - ამის შესახებ ენერგეტიკის მინისტრმა კახა კალაძემ დღეს გამართულ პრესკონფერენციაზე განაცხადა. მინისტრის თქმით, პროექტის სახელწოდება იქნება "ქართლი".

„მიმდებარე ტერიტორიაზე არსებობს ელექტროგადამცემი ხაზებიც, რაც პროექტის განხორციელების ღირებულებას აიაფებს. ჩვენ დავამონტაჟეთ ანძა, რომელზე დაყენებული სპეციალური მოწყობილობები ზომავს ქარის სიმძლავრეს და მიმართულებას. ვფიქრობ, მაისიდან უკვე დავიწყებთ მშენებლობას და პირველი ქარის ელექტროსადგური 6-7 თვეში დასრულდება", - განაცხადა კახა კალაძემ.