აჭარის მოსახლეობა,  რუსეთში ციტრუსის  ექსპორტისთვის ემზადება. "კავკაზსკი უზელის" ცნობით, ციტრუსის ექსპორტი შემოდგომაზე დაიწყება. პროდუქციის შემოწმების მიზნით, აჭარაში 10 აგვისტომდე რუსი ექსპერტების ვიზიტი იგეგმება. 
"ვიმედოვნებთ, რომ შემოდგომისთვის, ციტრუსების მოკრეფის პერიოდის დაწყებამდე, რუსეთის ბაზარი ქართული მანდარინის, ლიმონისა და ფორთოხლისთვის გაიხსნება", - აცხადებს აჭარის სოფლის მეურნეობის მინისტრი, ზაურ ფუტკარაძე.
ამ დროისთვის რუსეთში ქართული ციტრუსის ექსპორტის სამი შესაძლო გზა განიხილება: ჩრდილოეთ ოსეთის გავლით, ზღვით - ბათუმიდან ნოვოროსიისკში და რკინიგზით აზერბაიჯანის გავლით.