დასავლეთ საქართველოს სალქო პროკურორის მოადგილის, გიორგი გვარაგიძის განცხადებით, გეგუთის კოლონიაში მომხდარი ინციდენტის შედეგად გარდაცვლილი პატიმრის ლევან კორტავას საქმესთან დაკავშირებით შესაძლოა მაღალჩინოსანთა პასუხისმგებლობის საკითხიც დადგეს.
"მათ შორის იქნებიან მსჯავრდებულებიც და არ არის გამორიცხული სასჯელაღსრულების თანამშრომლების პასუხისმგებლობის საკითხის დაყენებაც, შესაძლოა იყვნენ მაღალჩინოსნებიც." - აცხადებს  გიორგი გვარაგიძე.
პროკურატურამ ლევან კორტავას საქმის გახსნის შესახებ განცხადება ორი დღის წინ გააკეთა. კორტავას საქმეზე რამდენიმე პირს, მათ შორის გეგუთის კოლონიის ოთხ თანამშრომელს ბრალი წარდგენილი აქვს.