ევროკომისარი შტეფან ფულე გაფართოებისა და ევროპული სამეზობლო პოლიტიკის საკითხებში უკრაინის ოპოზიციის ლიდერებს - ვიტალი კლიჩკოს, ოლეგ ტიაგნიბოკსა და არსენი იაცენიუკს შეხვდა. ინფორმაციას უკრაინული მედია ავრცელებს.

„პრეზიდენტთან შეხვედრამდე, ევროკომისარს კიდევ ერთხელ სურდა მოესმინა ოპოზიციის პოზიცია უკრაინაში შექმნილი კრიზისიდან გამოსვლის ვარიანტებთან დაკავშირებით“, - განაცხადა შეხვედრის შემდეგ პარტია „უდარის“ ლიდერმა ვიტალი კლიჩკომ.

ამასთან, იარსენი იაცენიუკის განცხადებით, ევროპა მზადაა ყოველმხრივი დახმარება გაუწიოს უკრაინას და ყველაფერი დამოკიდებულია იმაზე, მზად არის თუ არა იანუკოვიჩი შესაბამისი გადაწყვეტილებების მისაღებად.

(მოამზადა ლილუ მიროტაძემ)