საქართველოს საგარეო საქმეთა მინისტრი მაია ფანჯიკიძე გამოჩენილი ქართველი მომღერლისა და საზოგადო მოღვაწის პაატა ბურჭულაძის იუბილისადმი მიძღვნილ მიღებას დაესწრო.

საზეიმო მიღებას ესწრებოდნენ საქართველოს კულტურისა და ძეგლთა დაცვის მინისტრი გურამ ოდიშარია, საქართველოს თავდაცვის მინისტრი ირაკლი ალასანია, იუსტიციის მინისტრი თეა წულუკიანი და საქართველოს სპორტისა და ახალგაზრდობის მინისტრი დავით ყიფიანი.

იუბილესთან დაკავშირებით საგანგებოდ ჩამოვიდა ავსტრიის თეატრის ჰოლდინგის გენერალური დირექტორი გეორგ შპრინგერი, რომელმაც პაატა ბურჭულაძეს ავსტრიის სახელმწიფო ჯილდო „პირველი ხარისხის საპატიო ჯვარი მეცნიერებასა და ხელოვნებაში გაწეული ღვაწლისთვის“ გადასცა.

(მოამზადა ლილუ მიროტაძემ)