სამართალდამცველებმა ევროინტეგრაციის საკითხებში სახელმწიფო მინისტრის აპარატის თანამშრომელი დავით გამყრელიძე დააკავეს. შინაგან საქმეთა სამინისტროს პრესსამსახურის უფროსის,  ნინო გიორგობიანს განცხადებით, გამყრელიძის აყვანა ადმინისტრაციული სამართალდარღვევისთვის მოხდა. „მას ბრალად ედება ხულიგნობა და პოლიციისთვის წინააღმდეგობის გაწევა", - აღნიშნა გიორგობიანმა. მისივე ინფორმაციით, გამყრელიძის სასამართლო პროცესი დღეს გაიმართება. დავით გამყრელიძე მინისტრ ალექსი პეტრიაშვილის მოადგილის თანაშემწეა.