ეგვიპტის ქალაქ აბიდოსში მომუშავე ამერიკელი არქეოლოგების ჯგუფმა ორი ფარაონის სამარხი აღმოაჩნა. სამარხების შესწავლის შემდეგ, მახლობლად ათობით ეგვიპტური სამეფო სამარხები აღმოჩნდა, რომელიც სავარაუდოდ, ფარაონების იმ დინასტიას ეკუთვნის, რომლის შესახებაც მხოლოდ თეორიულად საუბრობდნენ. აღმოჩენილი სარკოფაგი 60 ტონას იწონის.

ეგვიპტოლოგების აზრით, სამარხები ჩვენს წელთაღრიცხვამდე XX-XIX საუკუნეებში მოღვაწე ფარაონებს ეკუთვნის.

პროფესორ ჯოზეფ ვეგნერის განცხადებით, რომელიც ექსპედიციას ხელმძღვანელობს, აღმოჩენილი 60 ტონიანი სარკოფაგი შიგნიდან ვარდისფერი კვარცით არის დაფარული. თუმცა მოგვიანებით გაირკვა, რომ სარკოფაგი თავდაპირველად ფარაონ სობეკხოტეპ პირველს ეკუთვნოდა, ხოლო აღნიშნულ ფარაონს სარკოფაგი მოპარული ჰქონდა. თუ ვის ეკუთვნის აღმოჩენილი სამარხი ჯერჯერობით უცნობია.

ასევე აღმოჩენილია ახალი სამეფო სამარხი. რომელშიც 40-50 წლის მამაკაცის ნაწილები აღმოჩნდა. სარკოფაგს მისი სახელიც ეწერა: იოსერბირე, რას შვილი.

ექსპედიციის მონაწილეების თქმით, ადგილზე სულ 16 სამეფო სარკოფაგი მდებარეობს. 

(მოამზადა თეონა რამაზაშვილმა)