ჯემალ ანანიძემ ბათუმის მერის თანამდებობა ოფიციალურად დატოვა. ბათუმის საკრებულომ გადადგომის შესახებ ანანიძის განცხადება დღეს დააკმაყოფილა.

სხდომაზე ჯემალ ანანიძის განცხადებას 14 დეპუტატმა დაუჭირა მხარი, წინააღმდეგი იყო ერთი დეპუტატი, ხოლო "ნაციონალური მოძრაობის" ფრაქციების წევრებს კენჭისყრაში მონაწილეობა არ მიუღიათ. 

როგორც ჯემალ ანანიძემ აღნიშნა, 2013 წელი მისთვის საინტერესო იყო ახალი პროექტების წამოწყების მხრივ. მან თვითმმართველობის წევრებს ერთობლივად ჩატარებული სამუშაოებისთვის მადლობა გადაუხადა და წარმატებები უსურვა.

ჯემალ ანანიძემ გადადგომის შესახებ განცხადებით საკრებულოს თავმჯდომარეს 3 თებერვალს მიმართა. ის ბათუმის მერის პოსტზე 2012 წლის 4 ოქტომბერს დაინიშნა.