იტალიის პრემიერ-მინისტრი ენრიკო ლეტა თანამდებობას ტოვებს. ინფორმაციას ამის შემდეგ „ბიბისი" ავრცელებს. იტალიის პრემიერმა გადაწყვეტილება მას შემდეგ მიიღო, რაც მისმა „დემოკრატიულმა პარტიამ" ახალი მთავრობის ფორმირებას მხარი დაუჭირა.
პარტიის გუშინდელ სხდომაზე ახალი მთავრობის ფორმირების ინიციატივით „დემოკრატიული პარტიის" ლიდერი მატეო რენცი გამოვიდა.
ენრიკო ლეტას განცხადებით, თანამდებობიდან გათავისუფლების მოთხოვნით ოფიციალურად დღეს მიმართავს ქვეყნის პრეზიდენტს ჯორჯიო ნაპოლიტანოს.
„ბიბისის" ინფორმაციით, ბოლო პერიოდში იტალიის პრემიერ-მინისტრსა და „დემოკრატიული პარტიის" ლიდერს შორის ურთიერთობები დაიძაბა. რენციმ ქვეყნის პრემიერ-მინისტრი დაადანაშაულა, რომ ვერ შეძლო იტალიის ეკონომიკური მდგომარეობის გაუმჯობესება.
პარტიის წევრები იმედოვნებენ, რომ ენრიკო ლეტას სწორედ მატეო რენცი შეცვლის.
(მოამზადა ლილუ მიროტაძემ)
