ბელგიის პარლამენტმა ბავშვთა ევთანაზიის შესახებ კანონს მხარი დაუჭირა. ბოლო სიტყვა მეფეს ეკუთვნის, რომელსაც კანონი ხელმოსაწერად უკვე გადაუგზავნეს.

„კარგი სიკვდილი“ - სწორედ ასე ითარგმნება ბერძნულიდან ტერმინი „ევთანაზია“. ის ნიდერლანდებში დააკანონეს, თუმცა ასაკობრივი ბარიერი დააწესეს და 12 წლით განისაზღვრა განსხვავებით ბელგიელი კანონმდებლებისგან, რომლებმაც ასაკობრივი შეზღუდვები სრულად მოხსნეს.

კანონი, რომლითაც ევთანაზია სრულწლოვნებისათვის დასაშვები გახდა, 2002 წელს ბელგიაში მიიღეს და 2012 წელს 14 320-მა ადამიანმა ისარგებლა. მათი უმრავლესობა სიმსივნის მე-4 სტადიით დაავადებული 60 წელს გადაცილებული პაციენტები იყვნენ.