ქუთაისის საქალაქო სასამართლომ აღმკვეთი ღონისძიების სახით, ლევან კორტავას საქმეზე ბრალდებულ ალეკო ბაბუნაშვილს , გიგა კოხოძეს და თენგიზ ნასარიას, წინასწარი,  ორთვიანი პატიმრობა შეუფარდ.  სამივე ბრალდებული გეგუთის #14 დაწესებულების თანამშრომელი იყო. სამსახურებრივი გულგრილობის ბრალდება წარედგინათ სად-ის მე-14 დაწესებულების უსაფრთხოების განყოფილების ინსპექტორ გიგა კოხოძესა და სამართლებრივი რეჟიმის განყოფილების ინსპექტორ (კონტროლიორ) ალექსანდრე ბაბუნაშვილს, ხოლო საქართველოს სსკ-ის 3691-ე მუხლის მესამე ნაწილით გათვალისწინებული დანაშაულის - სისხლის სამართლის საქმეზე მტკიცებულების ფალსიფიკაციის ჩადენისთვის - სად-ის მე-14 დაწესებულების უსაფრთხოების განყოფილების ინსპექტორ თენგიზ ნასარეიას.

ასევე, დააკავეს ძალადობრივი დანაშაულის ჩამდენი ერთ-ერთი პირი, ადრე განზრახ დანაშაულისათვის ნასამართლევი გიორგი შემაზაშვილი, რომელიც საპატიმრო დაწესებულებიდან 2013 წლის 7 ივნისს გათავისუფლდა. იგივე ბრალდება წარედგინათ დანაშაულის ჩამდენ დანარჩენ პირებსაც - ლაშა კვანტალიანს, შოთა სინაურიძეს, სოლომონ დაშნიანს, გელა უშხვანს, თეიმურაზ გურეშიძეს და ნუგზარ ბუჩუაძეს, რომლებიც ამჟამადაც საპატიმრო დაწესებულებაში არიან. მსჯავრდებული ლევან კორტავა მასზე განხორციელებული ძალადობით ქალა-ტვინის დახურული ტრავმის შედეგად  23 მაისს გარდაიცვალა.