ამის შესახებ არასამთავრობო ორგანიზაციების მიერ გეგუთის ციხეში პატიმარ ლევან კორტავასთან დაკვშირებულ განცხადებაშია ნათქვამი. დასკვნა არასამთავრობოებმა კორტავას საქმის შესწავლის შემდეგ გააკეთეს.
„საგანგაშოა, რომ გეგუთის ციხის თანამშრომელი პატიმარზე უკანონო ზეგავლენის მოხდენას ავალებდა ამავე დაწესებულების სხვა პატიმრებს, რომლებსაც სავარაუდოდ, გაკრვეული კრიმინალური ავტორიტეტი ჰქონდათ სასჯელაღსრულების დაწესებულებაში. სამინისტროს მხრიდან არა ერთხელ გაკეთდა განცხადებები იმის შესახებ, რომ სასჯელაღსრულების დაწესებულებეში არაინ ე.წ. „მაყურებლები". აღნიშნული განცხადება მნიშნველოვანია იმ თვალსაზრისთით, რომ სახელმწიფოს მხრიდან ხდება პრობლემის აღიარება, თუმცა მის აღმოსაფხვრელად აუცილებელია დროული და ეფექტური ნაბიჯების გადადგმა. მოვუწოდებთ საქართველოს ხელისუფლებას, ერთის მხრივ უზრუნველყოს კანონმდებლობის იმდაგვარი სრულყოფა, რომელიც მინიმუმამდე დაიყვანს ციხეში არაფორმალური მმართველობის განხორციელების საშუალებას. ხოლო, მეორეს მხრივ გააძლიეროს დაწესებულებებეში შიდა მონიტორინგის სისტემა, რომელიც საშაულებას მისცემს სამინისტროს აღკვეთოს სასჯელაღსრულების არაფორმალური მმართველობის ფაქტები."-ნათქვამია განცხადებაში, რომელსაც საქართველოში მოქმედი ხუთი გავლენიანი არასამთავრებო ორგანიზაციის წარმომადგენლები აწერენ ხელს.
