იტალიის ახალი პრემიერ-მინისტრის პოსტს, სავარადოდ ფლორენციის მერი, ოცდაცხრამეტი წლის მატეო რენცი დაიკავებს. იგი იტალიის ისტორიაში ყველაზე ახალგაზრდა პრემიერ-მინისტრი გახდება.
იტალიის პარლამენტში მოლაპარაკებები პარტიებთან ახალი მთავრობის ფორმირების საკითხზე უკვე დაწყებულია. როგორც პრეზიდენტის კანცელარიის განცხადებაშია ნათქვამი, კონსულტაციები აღნიშნულ საკითხთან დაკავშირებით დღეს დასრულდება.
ამასთანავე იტალიის პრეზიდენტმა ჯორჯიო ნაპოლიტანომ, ქვეყნის პრემიერის ენრიკო ლეტას თანამდებობიდან გათავისუფლების მოთხოვნა უკვე დააკმაყოფილა.
იტალიის ყოფილმა პრემიერმა ენრიკო ლეტამ თანამდებობა მას შემდეგ დატოვა, რაც მატეო რენცის მოთხოვნით "დემოკრატიულმა პარტიამ" მხარი მის წასვლას დაუჭირა.
ინფორმაციას ამის შესახებ "ბიბისი" ავრცელებს.
ამასთან, დაადასტურა, რომ უკვე დაწყებულია მოლაპარაკებები პარტიებთან ახალი მთავრობის ფორმირების საკითხზე.
პრეზიდენტის კანცელარიის მიერ გავრცელებულ განცხადებაში ნათქვამია, რომ კონსულტაციები ამ თემაზე დღეს დასრულდება.
