უკრაინაში ძალაში შევიდა კანონი ევრომაიდნის მონაწილეების ამნისტიის შესახებ. აღნიშნული ამნისტიის კანონის ამოქმედების შედეგად, დაიხურება ევრომაიდნის აქტივისტების წინააღმდეგ აღძრული 108 საქმე, 268 აქტივისტი კი პასუხისგებისგან გათავისუფლდება.
ამასთან, ამნისტიის კანონი გავრცელდება 2013 წლის 27 დეკემბრიდან 2014 წლის 2 თებერვლის ჩათვლით საპროტესტო მასობრივი აქციების ყველა მონაწილეზე.
უკრაინული მედიის ცნობით, გუშინ აქტივისტებმა კიევის საქალაქო ადმინისტრაციის დაკავებული შენობა გაათავისუფლეს. დემონსტრანტებმა დაკავებული ადმინისტრაციული შენობები დატოვეს კიევის ხუთ ოლქშიც. ასევე ბარიკადებისგან გაათავისუფლეს გრუშევსკის ქუჩაც.
ამასთან, ოპოზიციის განცხადებით, კრეშატიკზე და დამოუკიდებლობის მოედანზე კვლავ გაგრძელდება მშვიდობინი საპროტესტო აქციები, რაც მოქმედი კანონმდებლობით დაშვებულია.
