გერმანიის კანცლერი ანგელა მერკელი უკრაინაში სტაბილურობის დამყარებითაა დაინტერესებული და მზად არის, ხელი შეუწყოს ქვეყანაში შექმნილი მდგომარეობის დარეგულირებას. ამის შესახებ უკრაინული ოპოზიციის ლიდერებმა, ვიტალი კლიჩკომ და არსენი იაცენიუკმა ბერლინში, ანგელა მერკელთან გამართული შეხვედრის შემდეგ განაცხადეს.

„როგორც მერკელმა განგვიცხადა, გერმანია და ევროკავშირი დაინტერესებული არიან, რომ უკრაინაში სტაბილურობამ დაისადგუროს როგორც პოლიტიკური, ასევე ეკონომიკური თვალსაზრისით, რადგან უკრაინაში შექმნილმა არასტაბილურობამ შესაძლოა, მთელს რეგიონში დესტაბილიზაცია გამოიწვიოს", - განაცხადა ვიტალი კლიჩკომ.

(მოამზადა ლილუ მიროტაძემ)