90-იანი წლების გადატრიალების მონაწილეთა დასჯის მოთხოვნით აქცია საქართველოს მთავარ პროკურატურასთან გაიმართა. აქციის მონაწილეები მოითხოვენ სისხლის სამართლის საქმის აღძვრას საქართველოს პირველი პრეზიდენტის, ზვიად გამსახურდიას დაღუპვასთან დაკავშირებით. გარდა ამისა, აქციის მონაწილეები ყოფილი მაღალჩინოსნების, თენგიზ კიტოვანნისა და თენგიზ სიგუას დასჯას მოითხოვენ.
ერთ-ერთი ორგანიზატორის, ზაზა სვანაძის განცხადებით, მათ არაერთხელ მიმართეს პროკურატურას 1992-1993 წლების მოვლენების გამოძიების მოთხოვნით, თუმცა მოთხოვნას და უწყებისთვის წარდგენილ მასალებს რეაგირება ამ დრომდე არ მოჰყოლია.
აქციის ორგანიზატორები, მთავარი პროკურორის მხრიდან, საკითხის უყურადღებოდ დატოვების შემთხვევაში, კანცელარიასთან და პარლამენტთან აქციების გამართვით იმუქრებიან.
