ურთიერთწინააღმდეგობისას, ევრომაიდანზე ორი ქალბატი რეზინის ტყვიებით სახესა და გულის არეში დაიჭრა. ამის შესახებ უკრაინული გამოცემა „censor.net.ua" იტყობინება.
პროტესტის მონაწილეთა უმრავლესობა რიგითი მოქალაქეა ეკიპირების გარეშე, ყვითელ-ლურჯი ლენტებით. მოვლენათა ზონაში ცუდი მობილური კავშირია.
შეგახსენებთ, დღეს დილიდან უკრაინის პარლამენტი „ევრომაიდნელების" ალყაშია მოქცეული. პოლიცია და „ბერკუტის" ქვედანაყოფები დემონსტრანტებს უშუალოდ შენობასთან ახლოს არ უშვებენ.
მომიტინგეებსა და სამართალდამცავებს შორის მიმდინარეობს ლოკალური შეტაკებები, თუმცა ურთიერთობა სერიოზულ დაძაბულობაში ჯერჯერობით არ გადადის.
პარალელურად, ოპოზიციონერი პარლამენტარები რადას დარბაზში ცდილობენ სხდომის ჩაშლას და ამ მიზნით მათ ალყაშემორტყმული და ბლოკირებული აქვთ საპარლამენტო ტრიბუნა.
(მოამზადა ლილუ მიროტაძემ)
