ქსნის N15 სასჯელაღსრულების დაწესებულებაში ერთმა მსჯავრდებულმა შიმშილობა შეწყვიტა. სასჯელაღსრულების, პრობაციისა და იურიდიული დახმარების სამინისტროს ცნობით, შიმშილობა მსჯავრდებულმა კახა ხ-მ შეწყვიტა. კახა ხ-მ, რომელმაც პროტესტის უკიდურეს ფორმას მიმართა, (პირი და ქუთუთოები ამოიკერა) პროტესტის შეწყვეტის გადაწყვეტილება სასჯელაღსრულების დაწესებულების ადმინისტრაციას განცხადებით დაუდასტურა. ამჟამად, სასჯელაღსრულების N15 დაწესებულებაში ორი მსჯავრდებული რჩება, რომელიც შიმშილობას კვლავ განაგრძობს.