23 თებერვალს, 22:00 საათზე, გვანცა ფოფხაძის დასახმარებლად, კლუბ „bed launge"-ში საქველმოქმედო კონცერტი გაიმართება.

22 წლის გვანცა ფოფხაძეს ექიმებმა ლინფობლასტური ლეიკემია დაუდგინეს. გვანცას,  უცხოეთში მკურნალობა ესაჭიროება, რის საშუალებაც ოჯახს არ აქვს.

კლუბში გამართულ საქველმოქმედო კონცერტში მონაწილეობას ქართული ესტრადის მომღერლები მიიღებენ: ირინა ბაირამაშვილი, ანი კეკუა, რობი კუხიანიძე, პანჩო, თბილი-სი, ნიკოლშოუ, გიორგი მოსიშვილი, თიკა ირემაშვილი, თეკლა კალმახელიძე, ოთო ბერიშვილი, მირზა მოდებაძე, გიორგი ცხვარიაშვილი, ნინი წიკლაური, ანი ღონღაძე და მარიამ აკობია.