სასჯელაღსრულების, პრობაციისა და იურიდიული დახმარების საკითხთა მინისტრი პატიმრებს შიმშოლობისგან და მსგავსი რადიკალური ქმედებებისგან თავის შეკავებისკენ მოუწოდებს. სოზარ სუბარის განმარტებით რთულია თითოეული მათგანის მოთხოვნის დაკმაყოფილება. „ყველას უნდა გარეთ გამოსვლა, მაგრამ უნდა გაითვალისწინონ, რომ ყველას მოთხოვნას ვერ დავაკმაყოფილებთ. მარტივი  სტატისტიკა არსებობს, რომლის მიხედვითაც  სამი წლის განმავლობაში 700 ადამიანი გათავისუფლდა პირობით ვადაზე ადრე გათავისუფლებით, 9 თვის განმავლობაში კი 1 700 მდე ადამიანი." -განაცხადა სოზარ სუბარმა. მინისტრის განმარტებით სამინისტროში ვადაზე ადრე გათავისუფლების კომისიის ახლებული წესით დაკომპლექტებასთან დაკავშირებით მუშაობა დაწყებულია.