შინაგან საქმეთა სამინისტროს მიერ გამოქვეყნებულ მიმდინარე წლის, 7 თვის დანაშაულის სტატისტიკასთან დაკავშირებით კომენტარი შინაგან საქმეთა მინისტრმა, ირაკლი ღარიბაშვილმა გააკეთა. მინისტრის თქმით, დანაშაულის 4 ათასი ერთეულით შემცირება დიდი წარმატებაა.
„დანაშაული დახლოებით 4 ათასი ერთეულითაა შემცირებული. ვფიქრობ, ეს ძალიან დიდი წარმატებაა იმ ფონზე, როდესაც 14 ათასი პატიმარია ციხიდან გამოსული. ჩვენ ძალიან დიდი გამოწვევები გვქონდა. დანიშვნის დღიდან, პრაქტიკულად შეუსვენებლად ვმუშაობდით იმისთვის, რომ მაქსიმალურად დაგვეცვა თითოეული მოქალაქის უსაფრთხოება.
მოვუწოდებ ყველას, მათ შორის მათ, ვისაც არ უხარია ჩვენი წარმატება, ყოველთვის ახსოვდეთ მთავარი, ჩვენ ყველა ვემსახურებით ერთ საქმეს - ეს არის ჩვენი ქვეყანა. ჩვენ გვაქვს საერთო ინტერესები. მათ, ვისაც პოლიციის წარმატება არ უხარია ჩვენი ქვეყნის მტერია",- აღნიშნა ირაკლი ღარიბაშვილმა.
