სასჯელაღსრულების, პრობაციისა და იურიდიული დახმარების საკითხთა მინისტრი ყოფილი შინაგან საქმეთა მინისტრის, ბაჩო ახალიას განცხადებას ეხმაურება. სოზარ სუბარის განმარტებით, ბაჩო ახალიამ განაცხადა, რომ მისი მმართველობის დროს ე.წ. „მაყურებლები" იყვნენ, თუმცა ისინი მხოლოდ ადმიანისტრაციასთან შეთანხმებით მოქმედებდნენ. მინისტრის შეფასებით ეს განცხადება ბაჩო ახალიას მხრიდან მისი ქმედებების აღიარებაა. „მან ძალიან საინტერესო განცხადება გააკეთა, ეს პრაქტიკულად აღიარებაა თავისი ქმედების. მან თქვა, რომ მაყურებლები იყვნენ მხოლოდ  ადმინისტრაციასთან შეთანხმებით და ისინი მხოლოდ ადმიანისტრაციასთან შეთანხმებით მოქმედებდნენ" - განაცხადა სოზარ სუბარმა.