ზუგდიდი-ჭუბერის გზაზე, „სუბარუს“ მარკის ავტომანქანა მდინარე ენგურში გადავარდა.  ავტომობილში მოსკოვიდან სტუმრად  ჩამოსული დედა ორ ტყუპ ქალიშვილთან ერთად იჯდა. მანქანას ოჯახის ახლობელი მართავდა.

    თვითმხილველების განცხადებით, მათ დაინახეს როგორ ჩავარდა მანქანა მდინარეში და შემდგომ ისინი დახმარებას  ითხოვდნენ. თუმცა წვიმიანი ამინდის გამო, მდინარე ადიდებული იყო და დახმარება ვერ მოხერხდა.

   ადგილზე მობილიზებულია ტექნიკა და შესაბამისი სამსახურები. წვიმიანი ამინდის გამო სამაშველო სამუშაოები ამ დრომდე ფერხდება.