მე-12 საუკუნის მონასტრის ეზოში წმინდა მამების - მამა გიორგი მხეიძისა და მამა იოანე მაისურაძის საფლავები გახსნეს. გავრცელებული ინფორმაციით, ბეთანიაში საფლავების გახსნის შემდეგ, მამა გიორგის ნეშთი უხრწნელი აღმოჩნდა, მამა იოანესი კი მხოლოდ ძვლებია. ისინი ბეთანიის ეზოში გვერდიგვერდ იყვნენ დაკრძალულები.

ბეთანიაში ხალხმრავლობაა. ორივე წმინდანი მამა გაბრიელის მოძღვარი იყო. მათ წმინდა ნაწილებს მონასტერში დააბრძანებენ, მომლოცველებს კი ორი კვირის განმავლობაში შეეძლებათ წმინდა ნაწილებთან მიახლება.

როგორც სასულიერი პირები აცხადებენ, მომხდარით ღმერთი მიგვანიშნებს, რომ მიწის სტრუქტრა კი არ წყვეტს, გაიხრწნას თუ არა ადამიანის ნეშთი, არამედ ღვთის განგებულება.