ქუთაისში 4 დღის წინ დაკარგულ 12 წლის გოგონას ეძებენ. როგორც ჟურნალისტებთან საუბრისას დაკარგული მარიამ სულაბერიძის დედამ, ეთერ გვენეტაძემ განაცხადა, გოგონამ სახლი 4 დღის წინ დატოვა და მას შემდეგ არ გამოჩენილა.

მისი თქმით, გოგონა სახლიდან დილით გავიდა და მეზობელს, რომელმაც ბოლოს ნახა და ჰკითხა სად მიდიხარო, არაფერი უპასუხა. როგორც დაკარგულის დედა აცხადებს, მარიამს შეყვარებული ჰყავდა, რომელსაც „სმს“-ებს წერდა და ამის გამო ტელეფონი ჩამოართვა. სავარაუდოდ, გოგონა სახლიდან ამის გამო წავიდა.

გოგონას დედის თქმით, მარიამმა სახლში გუშინ დარეკა და განაცხადა, რომ ცოცხალია, თუმცა არ ამბობს როდის დაბრუნდება. საქმეს სამართალდამცველები იძიებენ.