“თიბისი გალერეა“ ნანკა კიკალიას სპეციალურ გამოფენას მასპინძლობს. გამოფენის სახელწოდებაა „საზღვარი“, სადაც აფხაზეთიდან უახლესი ფოტორეპორტაჟია წარმოდგენილი. დამთვალიერებელს სოხუმსა და გალში ქართველების ცხოვრების ამსახველი ფოტოების ხილვა შეუძლია.

ფოტოებში ომისშემდგომი რეალობა, ადგილობრივი ქართველებისა და აფხაზების ცხოვრებაა ასახული. გამოფენაზე თვალშისაცემია ინსტალაცია სახელწოდებით „საზღვარი“, რომელიც იმ სიმბოლურ საზღვარს წარმოადგენს, რომელიც აფხაზეთსა და საქართველოს ერთმანეთისგან ყოფს.

გამოფენაზე დასწრება თავისუფალია. მსურველებს ფოტოების ხილვა 4 მარტამდე შეეძლებათ.