ევგენი მიქელაძის სახელობის თბილისის სამუსიკო სასწავლებლის მოსწავლეები საქართველოს კულტურისა და ძეგლთა დაცვის სამინისტროს მხარდაჭერით, გერმანიაში საერთაშორისო პროექტ „კამერტონში" მიიღებენ მონაწილეობას.

მეხუთე წელიწადია, რაც გერმანიაში საზოგადოებრივი ორგანიზაციის Eurocon e.V-ის ეგიდით მოზარდთა მუსიკალური განათლების განვითარების, კულტურის სფეროში თანამშრომლობისა და ახალგაზრდული გაცვლითი პროგრამების მხარდამჭერი საერთაშორისო პროექტი „კამერტონი" ფუნქციონირებს.

გერმანულ პროექტში მიქელაძის სამუსიკო სასწავლებლის მოსწავლეები 2014 წლის აპრილიდან ჩაერთვებიან. სამინისტროს ხელშეწყობით, გერმანიაში 5 მოსწავლე და პედაგოგი გაემგზავრება.