სამების სკათედრო ტაძარში მრევლს ერთი კვირის განმავლობაში 24 საათის განმავლობაში ექნება საშუალება პატივი მიაგოს მამა გაბრიელის წმინდა ნაწილებს. განცხადება ამის შესახებ საპატრიარქოში გაკეთდა.

გორისა და ატენის მიტროპოლიტმა ანდრია გვაზავამ საქართველოს კიდევ ერთხელ მიულოცა ღირსი მამის, გაბრიელ სალოსის წმინდა ნაწილების აღმოყვანა და სვეტიცხოვლიდან თბილისში სამების საკათედრო ტაძარში გადმობრძანება.

მისივე თქმით, შეზღუდული შესაძლებლობების მქონე ადამიანებს 27 თებერვალს, 12-დან 17 საათამდე შეეძლებათ წმინდანთან მიახლოება, რა დროსაც საგანგებოდ გადახდილი იქნება ჯანმრთელობის პარაკლისი.