გარდაბნის # 5 ქალთა დაწესებულებაში 45-მა პატიმარმა შიმშილობა გდაიწყო. პატიმრები  "რადიო პალიტრას" რედაქციას დაუკავშირდნენ და პროტესტის მიზეზი აცნობეს. საქმე ეხება  დირექტორის, სალომე ჯანელიძისა და მისი მოადგილის ნინო მაისურაძის თანამდებობიდან გათავისუფლებას. პატიმრები მათ თანამდებობაზე  დაბრუნებას ითხოვენ. მსჯავრდებულების განცხადებით, წინააღმდეგ შემთხვევაში, მოშიმშილეთა რაოდენობა გაიზრდება. მათივე განმარტებით მსგავსი მოტივით და მოშიმშილეთა სოლიდარობის ნიშნად, 80-მა პატიმარმა პურის აღებაზე უარი განაცხადა. ისინი  ჟურნალისტებთან, სახალხო დამცველთან და პარლამენტის ადამიანის უფლებათა დაცვის კომიტეტის წარმომადგენლებთან შეხვედრას მოითხოვენ.