„სურსათის ეროვნული სააგენტოს“ ცნობით, თეთრიწყაროს მუნიციპალიტეტში, შპს „კალანდაში“ მასიურად დახოცილი ცხოველების ბაზარზე მოხვედრის რისკი არ არსებობს. როგორც სააგენტო აცხადებს, ღორების ფერმაში კარანტინია გამოცხადებული და ჩატარებულია დეზინფექცია.

"სააგენტოს სპეციალისტები ადგილზე იმყობიან და ოცდაოთხსათიან რეჟიმში მუდმივ მონიტორინგს უწევენ დაავადების ლიკვიდაციის პროცესს. დაცემული ცხოველების გვამი განადგურებულია ვეტერინარულ-სანიტარული წესების სრული დაცვით, შესაბამისად, დაავადებული ცხოველების ხორცის ბაზარზე მოხვედრის რისკი არ არსებობს", - ნათქვამია „სურსათის უვნებლობის სამსახურის“ განცხადებაში.