ბერლინში, ყოველწლიური საერთაშორისო ტურისტული გამოფენა „ITB Berlin 2014“ გაიხსნა, რომლეშიც საქართველოს დაცული ტერიტორიების სააგენტოც მონაწილეობს.
გამოფენის ფარგლებში სააგენტოს თავმჯდომარე რატი ჯაფარიძე დამთვალიერებელს აღნიშნული სააგენტოს სერვისებზე მიაწვდის ინფორმაციას. ასევე, იგი შევხდება დონორ ორგანიზაციებსა და დაინტერესებულ პირებს. დაგეგმილია პრეზენტაციების ჩატარება, საქართველოს დაცული ტერიტორიების პოპულარიზაციისა და ტურისტული პოტენციალის გაცნობის მიზნით.
ქართულ სტენდზე წარმოდგენილი იქნება ეკო-ტურისტული ობიექტები - პრომეთესა და სათაფლიის მღვიმეები და ოკაცეს კანიონი, რომლის გახსნაც 2014 წლის ზაფხულში იგეგმება.
ბერლინის საერთაშორისო ტურისტული გამოფენა ყოველწლიურად 170 ათასამდე დამთვალიერებელს ითვლის. გამოფენაზე საკუთარ პროდუქციას 180 ქვენის 11 ათასამდე ორგანიზაცია წარადგენს.
გამოფენა 9 მარტამდე გაგრძელდება.
