საქართველოს სოფლის მეურნეობის მინისტრმა შალვა ფიფიამ აგვისტოს ომში დაღუპულ გმირთა მემორიალი გვირგვინით შეამკო. „ეს არის ჩვენი საერთო ტრაგედია, რამაც ბევრი ტკივილი მოიტანა. დღეს გვინდა პატივი მივაგოთ ჩვენი გმირების -ოფიცრებისა და ჯარისკაცების, სამართალდამცავი ორგანოების წარმომადგენლების, უბრალო მოქალაქეების და ყველა დაღუპულის ხსოვნას. მინდა მივუსამძიმრო გმირების ოჯახებს, რომლებმაც უდიდესი დანაკარგი განიცადეს. ჩვენი ვალია, ვეცადოთ როგორმე შევუმსუბუქოთ ჩვენი გმირების მშობლებს, მეუღლეებსა თუ შვილებს ეს დიდი ტკივილი", - განაცხადა შალვა ფიფიამ.