საქართველოს პრეზიდენტმა, მიხეილ სააკაშვილმა 2008 წლის რუსეთ-საქართველოს ომის დროს დაღუპული გმირების მეუღლეებს და შვილებს ბათუმი დაათვალიერებინა. პრეზიდენტმა გმირების ოჯახები პიაცას მოედანზე მიიყვანა, შემდეგ კი მათ ბათუმის "მაკდონალდსში" უმასპინძლა. 
როგორც მიხეილ სააკაშვილმა  აღნიშნა, ბათუმი 2008 წლის ომის შემდეგ თითქმის მთლიანად აშენდა. მისივე თქმით, დაღუპულ გმირთა თავგანწირვით  ქართული სახელმწიფოებრიობის გადარჩენა მოხდა:
"დღეს წამოვიყვანეთ გიორგი ანწუხელიძის, ზურაბ ტურაშვილისა და უშანგი სოფრომაძის შვლები, მეუღლეები, დები და დისშვილები. დღეს დავათვალიერებინე ბათუმი, რადგან ეს ქალაქი თითქმის მთლიანად აშენდა 2008 წლის ომის შემდეგ. თუ არა ის, რომ ქართული სახელმწიფო გადარჩა 2008 წელში, როგორი ჩაოხრებულიც არის რუსეთის და პოსტსაბჭოთა ქალაქების უმეტესობა, ასეთი იქნებოდა ბათუმიც, ქუთაისით, თელავიც და დანარჩენი საქართველოც. ამათი მშობლების, ბიძების, ოჯახის წევრების გმირობის, თავგანწირვის შედეგად მოხდა ამ ყველაფრის შექმნა. რა შეიცვალა საქართველოში. შეიცვალა თუნდაც ის, რომ საქართველო გადარჩა და არაოკუპირებულ ნაწილში შეგვაქმნევინა ეს სასწაულები, რათა მომავალში ოკუპირებული ნაწილებიც დავიბრუნოთ, იმისთვის, ვისაც ეგონა, რომ ამათი თავგანწირვა იყო სულელური. ასეთი კარგი ბავშვები არიან, მათ ოჯახებთან მაქვს ურთიერთობა, ნაწილი ახლა გავიცანი. ვხვდები, რომ შემთხვევით არაფერი არ ხდება ამ ქვეყნად, ამათი მამები რატომ იყვნენ გმირები ვხვდები", - აღნიშნა მიხეილ სააკაშვილმა.