სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე დღეს წირვას კონსტანტინეპოლში ატარებს, სადაც მსოფლიო მართლმადიდებელი ეკლესიის მეთაურები არიან შეკრებილი.

კონსტანტინეპოლში მიმდინარე ღონისძიებას საკვირაო ქადაგებისას ჭიათურისა და საჩხერის მიტროპოლიტი, მეუფე დანიელი გამოეხმაურა. მან ბრძანა, რომ ეს არის უდიდესი მოვლენა მართლმადიდებელი ეკლესიის ისტორიაში, როდესაც მართლმადიდებელი ეკლესიის მეთაურები ერთად ლოცულობენ.

"მათი ლოცვა განსაკუთრებით განამტკიცებს მართლმადიდებელ ეკლესიას, მის სამღვდელოებას და მრევლს. ჩვენ ვმადლობთ ღმერთს, რომ დღეს კონსტანტინეპოლში ეს წირვა აღსრულდა და მისი უწმინდესობაც მონაწილეობს. მისი ლოცვა განსაკუთრებულად ეხმარება ჩვენს საქართველოს", - აღნიშნა მეუფე დანიელმა.