მარტვილის რაიონის სამი სოფლის მცხოვრებლები სოფელ მუხურჩაში მიწების გასხვისებას აპროტესტებენ. სამი სოფლის 300-მდე მცხოვრებმა აქცია გამართა. ისინი პრემიერ -მინისტრს სთხოვენ მათი საქმე პირად კონტროლზე აიყვანოს. წინააღმდეგ შემთხვევაში აცხადებენ, რომ „უკრაინა აქედან დაიწყება".

აქციის მონაწილეების განცხადებით მათი კუთვნილი 680 ჰექტარი მიწის ფართობი კომპანია „აგრი ჯორჯიამ", 100 ჰექტარი კი კერძო პირმა რომან რურუამ შეიძინა. მათივე ინფორმაციით, აქვთ რეესტრის ამონაწერი, რომ მიწის ფართობი მათი საკუთრებაა, თუმცა წინა ხელისუფლებამ აღნიშნული მიწები მაინც გაასხვისა.

ადგილობრივებმა დღეს კომპანიის მიერ შემოღობილ მიწის ფართობზე შესვლაც სცადეს, თუმცა მათ ამის უფლება პოლიციამ არ მისცა.