შერიგებისა და სამოქალაქო თანასწორობის საკითხებში სახელმწიფო მინიტრის პირველი მოადგილის ქეთევან ციხელაშვილის განცხადებით, საქართველო მზად არის, აფხაზებსა და ოსებს იმ სარგებელზე ესაუბროს, რასაც საქართველოს ევროკავშირთან და ევროატლანტიკურ სტრუქტურებთან ურთიერთბა აძლევს.
„ძირითადად არის ის ვალდებულებები, რომელიც გააჩნია სახელმწიფოს. ჩვენ კიდევ ერთხელ განვამტკიცებთ, რომ განვახორციელებთ მხოლოდ, მშვიდობიან და რაციონალურ საფუძველზე დამყარებულ პოლიტიკას. ასევე, მივანიშნებთ ამ გეგმაში, რომ ჩვენ მზად ვართ გავუზიაროთ აფხაზებსა და ოსებს და ყველა ოკუპირებულ ტერიტორიაზე მაცხოვრებელს ის სარგებელი, რომელსაც საქართველოს აძლევს ევროკავშირთან და ევროატლანტიკურ სტრუქტურებთან ინტეგრაცია და დახმარებას ვთხოვთ ჩვენს პარტნიორებს", - განაცხადა ციხელაშვილმა.
ნატოში ინტეგრაციის სახელმწიფო კომისიამ, 2014 წლის ეროვნული პროგრამა დღეს დაამტკიცა. პროგრამაში იმ რეფორმებზეა საუბარი, რომელიც საქართველოს ნატოს სტანდარტებთან დაახლოებას შეუწყობს ხელს.
