კომუნიკაციების ეროვნულ კომისიაში გუშინ ირაკლი ჩიქოვანის წერილი მიიღეს, რომელშიც მისი ყოფილი თავმჯდომარე საქართველოს პრეზიდენტს მიმართავს და კომისიის წევრის უფლებამოსილების შეჩერებას სთხოვს. შეგახსენებთ, პარლამენტში მარეგულირებელი კომისიის საქმიანობის შემსწავლელი დროებითი საგამოძიებო კომისია მუშაობს, რომლის თავმჯდომარემ, თინა ხიდაშელმა 12 ივლისს განაცხადა, რომ მომავალს სესიაზე ჩიქოვანის იმპიჩმენტის საკითხს დააყენებდა. ირაკლი ჩიქოვანი კომისიაში მისვლამდე „რუსთავი 2“-ის დირექტორი და მეწილე იყო. ფლობდა რამდენიმე სარეკლამო კომპანიასაც, რის გამოც ხშირად საუბრობდნენ ინტერესთა კონფლიქტზე და მას კანონდარღვევაში ადანაშაულებდნენ. ჩიქოვანმა კომუნიკაციების კომისიის თავმჯდომარის თანამდებობა 2012 წლის 12 აპრილს დატოვა. მანამდე კი საქართველოში ერთ-ერთმა ყველაზე მაღალანაზღაურებადმა საჯარო პირმა (მისი ყოველთვიური სახელფასო ჰონორარი 15 ათას ლარს შეადგენდა) სამთვიანი შვებულებით ისარგებლა.
