ბრაზილიაში სან-პაულოს ერთ-ერთ სასაფლაოზე საოჯახო საფლავის მოსანახულებლად მისული ქალი შოკისმომგვრელი ფაქტის მომსწრე გახდა - მან დაინახა როგორ იძრა საფლავი, საიდანაც  მამაკაცის თავი და მკლავები გამოჩნდა. მიუხედავად იმისა, რომ ქალს ძალიან შეეშინდა და სასაფლაოდან გაიქცა, მალევე დაბრუნდა და ფაქტის შესახებ პოლიციას აცნობა.

დამარხული ცოცხალი სასაფლაოს დაცვის თანამშრომლებმა გადაიყვანეს საავადმყოფოში. მის სიცოცხლეს საფრთხე არ ემუქრება. პოლიციის ინფორმაციით, მამაკაცი მერიის ყოფილი თანამშრომელია, რომელიც, სავარაუდოდ, თავდამსხმელებმა სცემეს, რის შემდეგაც ქალაქის სასაფლაოზე წაიყვანეს და ცოცხლად დამარხეს.

(მოამზადა ლილუ მიროტაძემ)