„ახალ წლამდე მე არჩილ კბილაშვილს და მის მოადგილეს შევხვდი, მათგან პირობა მივიღე, რომ ჩემი შვილის საქმეს ბოლომდე გამოიძიებენ"-ეს განცხადება ზურაბ ვაზაგაშვილის მამამ „რეპორტიორის" პრესკლუბში გააკეთა. იური ვაზაგაშვილის განმარტებით, მან მთავარ პროკურორს იმ ადამიანების სია გადასცა, რომლებიც ზურას მკვლელობაში უშუალოდ მონაწილეობდნენ. „მე კბილაშვილს და ნაცვლიშვილს დავუსახელე იმ ადამიანების ვინაობა, რომლებსაც ცრუ ჩვენებები ზეწოლით დააწერინეს, რომლებიც თვითმხილველები იყვნენ და რომლებიც უშუალოდ მონაწილეობდნენ ზურას მკვლელობაში. საქმე ბოლომდე მაინც არ არის მიყვანილი. დამნაშავეები ისევ თანამდებობებზე არიან. კბილაშვილმა კი მითხრა ეს გარემოება ხელს არ შეგვიშლისო. მაინტერესებს ვინ და რა უშლის ხელს პროკურატურას ამ საქმეების გამოძიებაში?"-განაცხდა იური ვაზაგაშვილმა.
