სამტრედია-ზესტაფონის ავტობანზე დასაქმებულებმა ხელფასების მოთხოვნით  საპროტესტო აქცია გამართეს. ისინი დამსაქმებელ კომპანია შპს „ბორანს“, ხელფასების გაუცემლობაში ადანაშაულებენ.

აქციის მონაწილეების თქმით, მათ ოთხ თვეზე მეტია ხელფასი არ აუღიათ.

„ოთხი თვეა კუთვნილი ხელფასი არ აგვიღია. ხელმძღვანელობა ყოველი თვის ბოლოს გვპირდება, რომ დავალიანება აგვინაზღაურდება, თუმცა გვატყუებენ. სამუშაოები ჯერ არ შეგვიჩერებია, რადგან  მუშების ნაწილი ავტობანზე მუშაობას აგრძელებს, თუმცა მოთხოვნების დაუკმაყოფილებლობის შემთხვევაში, აქციას ისინიც შემოუერთდებიან“, - განაცხადეს გაფიცულებმა.