ხობის რაიონის სოფელ ახალ ხიბულაში 80 წლამდე ასაკის აკაკი ადამიას თავს ორი უცნობი დაესხა. ბოროტმოქმედებმა ფული და ძვირფასეულობა მოითხოვეს, მოხუცს ფიზიკური შეურაცხყოფა მიაყენეს, ფეხი ცხელი უთოთი დაუწვეს, რის შემდეგაც შემთხვევის ადგილიდან მიიმალნენ.

ადამია ჯერ ხობის, შემდეგ კი ზუგდიდის საავადმყოფოში გადაიყვანეს. ექიმების განცხადებით, მის სიცოცხლეს საფრთხე არ ემუქრება. მომხდართან დაკავშირებით სისხლის სამართლის  საქმე 178-ე მუხლითაა აღძრული, რაც ძარცვას გულისხმობს.

(მოამზადა ნინი მოდრეკილმა)