ორჰან ფამუქი თბილისშია. ცნობილი თურქი მწერალი  საქართველოში სამ დღეს დარჩება. ის დღეს  17:00 საათზე შეხვედრას გამართავს „თავისუფალი უნივერსიტეტის“  სტუდენტებთან და  ლექტორებთან, ხოლო ხვალ საღამოს 19:00 საათზე რუსთაველის თეატრში მკითხველებს შეხვდება და მათ კითხვებს უპასუხებს. ის ასევე წაიკითხავს რამდენიმე ლექციას.

„ბედნიერი ვარ, რომ საქართვლოში ჩამოვედი. ცოტა დამაგვიანდა, რადგან 60 წლის ვარ და  პირველად ვესტუმრე თქვენს ქვეყანას. დიდი ენთუზიაზმით ჩამოვედი. ვიცი, რომ ჩვენს კულტურათა შორის ბევრია საერთო. შავი ზღვა გვაერთიანებს. ქართული კულტურის დიდი ნაწილია სტამბულში, ჩემს წარსულში. ამიტომ სიამოვნებით ჩამოვედი, რომ ვნახო ქვეყანა, რომელიც მიყვარს  და რომელთანაც დიდ კავშირს ვგრძნობ“, -განაცხადა ორჰან ფამუქმა.

ნობელის პრემიის ლაურეატი,თურქი მწერალი ორჰან ფამუქი საქართველოში „თავისუფალი უნივერსიტეტისა“ და ბაკურ სულაკაურის გამომცემლობის ერთობლივი ძალისხმევით ჩამოვიდა. ის თბილისს 14 მარტს დატოვებს.