გუშინ გვიან ღამით, ზუგდიდში ყოფილ დეპუტატ თენგიზ ჯგუშიასა და ზუგდიდის გამგებლის მოადგილე მერაბ ქვარიას შორის მომხდარ ინციდენტზე „რეპორტიორი" ზუგდიდის გამგეობის პრესსამსახურის უფროსს მაია ღურწკაიას ესაუბრა. მისი განცხადებით კონფლიქტი თენგიზ ჯგუშიამ წამოიწყო.
„ყოფილი დეპუტატი და პარლამენტარი თეგნიზ ჯგუშია, მას შემდეგ, რაც გამგეობაში დაინიშნენ კოალიციის ახალი სახეები, გამოირჩევა განსაკუთრებული აგრესიით ამ ადამინების მიმართ. უკვე ყოველგვარ ზღვარს გადააჭარბა. გადასულია პირად შეურაცხყოფაზე და ლანძღვაზე.
რაც შეეხება უშუალოდ ინციდენტს, თენგიზ ჯგუშია სუფრასთან იჯდა, იყო ნასვამ მდგომარეობაში და გამოირჩეოდა განსაკუთრებული აგრესიით მერაბ ქვარიას მიმართ. შემდეგ წამოდგა და სრულიად უმიზეზოდ სილაა გააწნა ბატონ მერაბს.
ბატონი მერაბი არის აბოლსუტურად გაწონასწორებული არაკომფლიქტური და მშვიდი ადამიანი. შემდეგ ამ ყველაფერს მოყვა ფიზიკური დაპირისპირება, რის შემდეგაც თენგიზ ჯგუშამ პირდაპირი დამიზნებით ესროლა ცეცხლსასროლი იარაღიდან მერაბ ქვარიას. საბედნიეროდ არავინ დაზიანებულა. თენგიზ ჯგუშია დაკვებულაი პოლიციამ შემთხვევის ადგილიდან ამოიღო მასრები. ვიმედოვნებთ, ამის შემდეგ შეწყდება თენგიზ ჯგუშიას პროვოკაციული მოქმედებები."-განცხადა მაია რურწკაიმ.
