მექსიკის დედაქალაქ მეხიკოში ცნობილი ქართველი რეჟისორის ოთარ იოსელიანის ფილმების რეტროსპექტივა გაიმართა. ფილმები  საქართველოს კულტურისა და ძეგლთა დაცვის სამინისტროს მხარდაჭერი, მექსიკის ეროვნული ავტონომიური უნივერსიტეტის საერთაშორისო კინოფესტივალის ფარგლებში აჩვენეს.

როგორც სამინისტროში განაცხადეს, ფესტივალზე ქართველი რეჟისორის ფილმების ჩვენება ყველაზე წარმომადგენლობითი იყო. ნაჩვენები იყო თერთმეტი სრულმეტრაჟიანი და სამი მოკლემეტრაჟიანი ფილმი. მათ შორის „გიორგობისთვე“, „იყო შაშვი მგალობელი“, „პასტორალი“ და სხვ.